الــمـــــــلاك اللـي صـحــي جــــورج علـشــان يصــلي

سلام الرب لكم :

الــمـــــــلاك اللـي صـحــي جــــورج علـشــان يصــلي

جورج طفل أمور صغير عنده 4 سنين وفي يوم من الأيام نام علي السرير جنب باباه

وفي نص الليل قام جورج من النوم علشان يصلي حوالي دقيقتين وبعدين نام تاني

الصبح باباه سأله وقال له : إيه اللي حصل إمبارح حسيت بيك لما قمت من النوم ياحبيبي

جورج قال له إن الملاك جه وصحاه من النوم وقال له : كده ياجورج تنام من غير صلاة؟


علشان كده يابابا أنا قمت صليت ورجعت نمت تاني

القصة دي ياحبايبــي ياحلوين تعرفنا إن الملاك الحارس بيساعد الأطفال علي الصلاة ومحبة ربنا يسوع المسيح

وعارفين كمان ؟ الملاك الحارس بيبقي معانا من ساعة المعمودية زي ما أبونا بيقول في صلاة المعمودية

يارب خلي ملايكة النور تصاحبنا وتكون معانا طول حياتنا

وفي القداس كمان الملايكة بيحضروا يصلوا معانا واحنا معاهم زي ما نكون في السما وبنقول

فلنسبح مع الملائكة وكمان قدوس قدوس قدوس رب الصباؤوت

ولكل ذبيحة قداس ملاك ولكل كنيسة ملاك حارس

وعلشان كده ياحبايبي بنعمل عيد للملايكة كل يوم 12 من الشهر القبطي

شفاعتهم تكون معانا يارب أمين




ياريت ياحبايبي دايما نصاحب الملاك الحارس بتاعنا ومانزعلوش بالحاجة الوحشة اللي بنعملها علشان هو بيبقي فرحان طول مااحنا بنعمل حاجات حلوة تبسط ربنا



حاضر يا طنط لولا 36_1_35[1].gif


برافو يا ابفرست هجيب لك حتة حاجة حلوة قد البندقة 36_1_19[1].gif

سلام الرب لكم :

شكرا لردودكم بس هى قصة وحشة قوى كدا36_1_10[1].gif وهايفة ولا أيه ؟؟؟.

يالا معلشى عدوها ليه الاحراج دا 36_1_7[1].gif

بالعكس ...القصة جميلة وياريت نحكيها لأطفالنا لان هيكون لها رد فعل ايجابى فى حياتهم الروحية وهم صغيرين وكمان يلازمهم وهم كبار.
بصى يا لولا المرة دى حاسيب الرد للسيد المسيح له المجد "الحق اقول لكم ان لم ترجعوا و تصيروا مثل الاولاد فلن تدخلوا ملكوت السماوات (مت 18 : 3) "
يا ريت نقدر نرجع و نأخذ بساطة الطفل فى تعامله مع ربنا

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010