برجاء قراءة هذا الموضوع للاهمية والرد ان امكن

سلام يا شباب
سامحونى واسمحوا لى اني اعلق على بعض النقاط اللي وجدتها اثناء تصفحى للمنتدى

أولا انا شايف ان الناس مش بترد على بعضها في الموضوعات بمعنى أن ممكن الاقي موضوع ومفيش عليه اي ردود ودا احيانا بيكون مش كويس في حق اللي كاتب الموضوع بمعنى ممكن كلمة شكر على الموضوع اللي بعته كنوع من التقدير وللتشجيع برضو انه يجيب موضوعات تانية ليها قيمتها واهميتها واللي ممكن تساهم في خلاص نفوس كتيرة. حتى يا جماعة لعبة الايات الموجودة في قسم تعارف المنتدى اللي هي تكتب ايه وترد بايه تانية تبدا باخر حرف من الاية السابقة مش كتير مشتركين فيها 3
كمان يا اخوتى الرد على الموضوعات بيربط بينا اكتر ويدينا فرصة للتواصل لان ليه المنتدى موجود ماهو عشان الناس تتواصل مع بعض وتتكلم وترد على بعض للاستفادة العامة والا كانوا الناس عملوا موقع عادي للتصفح وبس ولا انا غلطان؟ 4
ياريت يا اخوتى نحاول نتعرف على بعض اكتر من خلال مناقشاتنا وردودنا على بعض والتعبير عن وجهات نظرنا من خلال الموضوعات المطروحة.
ثانيا يا جماعة انا لحد دلوقتي ماشفتش حد على غرفة الدردشة الخاصة بينا على ال ام اس ان ولا حتى في حد سجل نفية فيها يمكن مفيش حد من هنا غيري انا وباهر بس.
ارجوكم يا جماعة نحاول نهتم بالموضوع دا وكمان ادي لينك الغرفة اهو غرفة دردشة شباب سي اتش
وبجد اشكركم على مشاركاتكم الجميلة في المنتدى واتمنى ان احنا نتواصل اكتر ونتعرف على بعض اكترواتمنى ماكونش ضايقتكم يا اخوتي بكلامي
ولو فى اي تعليق ياريت تردوا على هنا
صلوا لي
اخوكم بيتر
صدقنى كلامك صح جدا فعلا الناس لازم تتعود تقول رايها وتشارك بعض وحتى بالطريقة ديه الشباب يشغل وقته فى شىء مفيد ومع ناس مضمونة وفى كلام مقدس بس انا عاوزة اقول لك حاجة انا قرات اسمك على انه بتوت وافتكرت ان صاحبه بنت ماتخيليك دونالد احسن علشان الناس تعرف انهها بتتكلم مع واحد عذرا لى ويمكن انا بس اللى فهمت كده وياريت تعطينى رايك على طول فيما اكتبه لان رايك مهم الرب يعطيك بركة ومحبة
المشاركة الإيجابية هى اللى بتعودنا يكون لنا دور إيجابى فى كل مجالات حياتنا.
و بالتالى لازم كلنا نشارك إيجابياً بالرأى. يا إما ندعم الرأى المطروح للمناقشة، يا إما نقول رأينا المعارض بلا خجل مع إلتزام آداب الحوار المسيحى.
و بالتالى يبقى فيه إحتمالين:
1- فى حالة دعم الرأى نكون قد أيدنا صاحب الفكرة برأينا.
2- فى حالة النقد نكون إما على صواب و صححنا مفاهيم صاحب الرأى الخطأ و نكون مثل "من رد خاطئاً عن ضلال طريقه فينقذ نفساً من الموت و يستر كثرة من الخطايا" كما ورد فى رسالة يوحنا. أو يكون جانبا الصواب و بالتالى نكون افصحنا عن مكنون قلبنا و عقلنا الخاطئ حتى يستطيع الآخرون أن يصححوا لنا هذا المفهوم.

و لكنى أعتقد أن بعض المواضيع لم تطرح توقعاً الرد مثل المختصة بسير القديسين مثلاً. فهى للإستفادة فقط. أما المواضيع الخاصة بتحميل برامج، صور، أفلام، أو ترانيم فمن آردا أن يشكر الأخ أو الأخت الذى وضع هذه الملفات فليشكره، و من لم يرد أن يشكر حتى لا يستوفى صاحب الخدمة أجره على الأرض منتظراً الأجر الأعظم من الله فهذا أيضاً وارد.

أما من يضع برامج، أو صور، أو ما إلى ذلك فى صورة بيانات مخفية أو غير مخفية منتظراً الشكر مننا فسوف نشكره لكى نحصل على الملفات فقط و سيكون إستوفى أجره على الأرض.

مش كده ولا إيه؟؟

بس بطوط مش بس كده كمان فى ناس مشتركه كتير مش بتكتب او ترد بس ممكن تحاولو تهتمو بيهم شويه ممكن تكلمهم على الميل يس انا ملاحظه انى اى عضو جديد بيدخل يقراء بس حتى كمان مش بيرد على الموضوع 14
بطوط عنده حق
هاى يا جماعة انا عارفة ان ردى متأخر جدا لكن اتمنى انى اعرف اتواصل معكم اكثر . بصراحة انا كنت مسجلة من فترة لكن دى اول مرة ابتدى اهتم بالمنتدى ، يا ريت تعتبرونى اخت لكم و تقوللولى ازاى اتواصل معكم بسهولة اكثر لأنى و بصراحة لم اتعامل مع منتديات قبل ذلك .

سلالم ونعمة ليكم :
شكرا يا batoot على النقطة المهمة دى فى ناس كتيراوى اوى
مش بيشاركم معنا فى المنتدى .
موضوع مهم اوى أة وكمان موضوع النص المخفى دة
شكرا على الردود الجميلة دى .



evrest_h

اهلا وسهلا بك فى وسط اخوتك فى المنتدى وانك تتواصل مع اخوتك فى المنتدى فهذا امر بغاية السهولة وذلك من خلال مشاركاتك بموضوعات جديدة او من خلال ردودك على موضوعات موجودة بالفعل

فلو كانت مشاركتك موضوع جديد سوف تجد التواصل من خلال مشاركات الاعضاء بردود لهم على موضوعك وهكذا

او من خلال رد لك على موضوع مطروح بالفعل والكل يشارك فيه

واعلم اننا هنا كلنا اسرة واحدة واعضاء فى جسد المسيح
[/size]الحقيقة يابطوط كلامك مظبوط...والأكتر من كده للأسف موضوعات معينة يندر فيها أنك تلاقى أى ردود ، مثل الموضوعات العقائدية والطقسية والموضوعات اللاهوتية ، فغالبية قراء هذه الموضوعات رغم أهميتها ، يبتعدون عن أى تعليق عليها. .هذا أن قرأوها أصلا ..وبالتالى فأن المشاركة بالردود تكون أقل ، لذلك أشاركك الرأى وأتمنى أن نتبادل الأراء والأفكار فى كل الموضوعات ونتعلم جميعا من الروح القدس من خلال الحوارات وليستمر التواصل بين كل المشاركين فى الموقع ، ونهتم ونشارك فى كل موضوع خاصة الموضوعات التى من صميم عقيدتنا حتى ينطبق علينا قول الكتاب المقدس " كونوا مستعدين لمجاوبة كل من يسألكم عن سبب الرجاء الذى فيكم ".[/font][/align]
سلام الرب لكم :
شكرا ليك يا batoot على الموضوع ده وفعلا لما حد يرد على الموضوع بتاعك بتحس انه قراه واستفاد مثلا او ان احنا كلنا أسرة واحدة وبنرد على بعض .
وبالنسبه لموضوع الشات حاولنا كتير بس للاسف من غير فايدة .
خصوصا ان فعلا اكتر منتدى بنحس فيه أن احنا اخوات ودا اللى حسينا بيه لما انقطع عننا فترة عن نفسى مابقتش عارفة ادخل على اى منتدى .
واخيرا خلاص نتفق أن احنا نحاول نرد على الموضوعات علشان نعرف وجه نظر بعض .
والرب يباركنا



المباركين بنعمة المسيح madona..john مورين ميلاد



سلام ونعمة طبعا شىء جميل لما نرى الاعضاء الجدد بيشاركوا معنا بردودهم والاجمل انهم يشاركوا معنا بمشاركات جديدة

وناخد كلنا بركة الخدمة

بالنسبة لبطوط فهو عضو وابن مبارك معنا هنا وله العديد من المشاركات الرائعة التى نفتقدها بشدة لظروف عمله وزواجه من كام شهر

صلوا ان ربنا يرتب له ظروف احسن فى عمله ويقدر يرجع يشارك معنا من تانى بمشاركاته وردوده الرائعة

وفعلا مفتقدينك جدا يابيتر