!!!!! اقتراح غريب !!!!!!

اه رأيكم لو الكنيسة القبطية عملت مدرسة لتعليم قبطى تبقى لكل واحد زى المدرسة العادية و امتحانات علشان يبقى الناس كلهم تكلم قبطى لانى بقف فى القداس مش فاهم لغتى و يبقى فيه امتحانات زى المدرسة العدية تبقى مدرسة اضافية بس تبقى خطوة بخطوة علشان نعرف نفرق بين الاثنين

انا عرفة ان انا بحلم زيادة بس اه رايكم

بليز رده على

انا طموحة شوية زيادة `14`

دى فكرة جميله اوى و انا واحدة من الناس الى بحب القبطى اوى و كل مادخل قبطى فى الصيف القيهم بيتعلموا الفا بيتا لغايه ما زهقت . و لازم الكنيسه تهتم بانتقال هذه اللغة من جيل الى جيل علشان ماتختفيش ولازم كلنا نعرف نقراء قبطى لانها هى لغتنا الاصلية و ليست اللغة العربيه . و انا لانى فشلت فى انى اتعلم قبطى فى الكنيسة فكرت بجدية انى ادخل الكليه الاكلريكية بس فى الوقت الحالى مش عارفة ادخلها بسبب درستى `14`
سلام الرب لكم :
هو جميل الاقتراح ده خصوصا بجد بحب القبطى والألحان بطريقه تخلينى عايزة اعيش طول حياتى بين القبطى و الألحان غير ان القبطى فى قواعد صعبه شويه بالنسبة لى ففعلا محتاجين لدروس بس راى يمكن زى راى weta الدراسه تقريبا صعب ان نكون ماتبعينها والجزء الباقى من السنه بنكون فى المهرجان يعنى اليوم كله بيبقى ضايع غير المذاكره اللى بتبقى بين القبطى الالحان والكتابى و...................0
الفكرة اكتر من رائعة خاصة فى العراق الان اللغة الكردية رسمية بجوار العربية

وعندى اقتراح بالنسبة للتعليم
احنا ممكن نكون حافظين الحان كتيرة قبطى لكن مش عارفين معناها
علشان كدة
القداس يكون كله قبطى ويكون فى شريط الكترونى يظهر فيه الترجمة وبالتدريج اكيد هنحفظ
`17`
لقد بدأنا بالفعل دروس لغة قبطية، و نستخدم بعض الكلمات فى التعاملات اليومية بيننا، و ذلك فى كنيستى بكندا.

أرجو أن أعود لمصر فى أقرب وقت لأطبق هذه الدروس فى كنيستى بمصر بعد أن بدأنا هذه النهضة فى كندا.

الفكرة رائعة يا آناستاسيا و بإذن ربنا تلاقى صدى كويس.
اعتقد ان مش فاهمين قصدى B)

زى ما فهمتو فى رد اونكل حازم و باطوت انهم بيتكلموا عن الكنيسة بس انا قصدى نعمل مدرسة زى المدرسةالعادية اللى بيرحوها كل الاطفال `15`


بس كلكم ردكم حلوا اوى من اونكل باهر و اونكل حازم و باطوت مش عرفة كتبها صح و لا غلط يا ريت تقلى يا بطوت و lolla , weta
إقتراحك يا آنستاسيا ممكن يتنفذ لو البطريركية تولت الموضوع ده، و أنشأت مدرسة تابعة لها تقوم بتعليم جميع مواد وزارة التربية و التعليم مع إضافة اللغة القبطية كمادة إضافية زى مدرسة الباليه اللى فى الهرم اللى بتعلم كل المواد زى أى مدرسة بالاضافة لفن الباليه.

طبعاً حتقابلنا مشكلة و هى إن منهج اللغة العربية - زى ما إنت عارفة - فيه نصوص قرآنية. تقدرى تقولى لى إزاى حتدرسى نصوص قرآنية فى نفس المدرسة اللى بتشرف عليها الكاتدرائية جنباً إلى جنب مع اللغة القبطية!؟؟؟؟

طبعاً موقف سخيف .. مش كده؟!
هههههههههههههههههه انت عارف رأيى كويس وكل الاولاد المسيحيين اللى زيى هههههههههههههههههههههههه

بس اعتقد ان تنفيذ حاجة زى دى صعب اوى اوى فى الايام دى لان صعب ان احنا نبنى كنيسة كمان عيزنة نتعلم اللغة القبطية


ولا فى الاحلام

بس فى اغنية بتقول : لو بطلنا نحلم نموت . فخلونى يا جماعة احلاملى شوية اوعى حد يصحينى

خخخخخخخخخخخخخخخخخخخخخخخخخخخخخخخخخخخخ
تتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
ششششششششششششششششششششششششششششششششششش
الحلم يا آنستاسيا نقدر نحققه فى مدارس الأحد لو علمنا الخدام قبطى، و بدأ الخدام يعلموا الولاد لغة قبطية فى فصول مدارس الأحد بحيث يبقى فيها إمتحانات زى المدرسة كمان.

بس ده محتاج على الأقل خادم فى كل مرحلة من مراحل الدراسة يكون ملم باللغة القبطية و يقدر يدرسها للولاد.

و ده سهل تحقيقه لو إهتمينا بجد باللغة القبطية.

اليهود كانوا فى الشتات فى كل دول العالم لكنهم حافظوا على اللغة العبرية. و يوم ما إتجمعوا من الشتات كان لهم لغة واحدة يتكلموا بيها مع بعض، و علشان كده إتحدوا و إندمجوا بعد ما دوبوا الفواصل اللى بين يهود الفلاش و يهود الأشكيناز (كان التقسيم لطبقات طبقاً للدول اللى كان عايش فيها اليهود).
تعليم اللغة القبطية فى مدارس الاحد مش نافع علشان من حضانة الى ثانوى تعلمت فقط الفا فيتا و بس كده
ما هو ده لأن مافيش منهج تعليم لغة قبطية. يا ريت يبقى فيه فى كل كنيسة منهج كامل لتعليم اللغة القبطية.
....سلام ونعمة ليكم....

كلام جميل وكمان موضوع أجمل ...
فعلا لازم يبق فى مناهج للتعليم المنهج بيقوم بتعليم بنظام أكتر من مدارس الأحد هو طبعا مفيش مكان يمكن أن الشباب يدرس قبطى فية ومدارس الأحد هى أنسب شىء ...
يبق مدارس الأحد لازم تسير على منهج معين حسب مراحل التعليم أبتدائى وأعدادى ....ألخ حسب مستوى تفكير الشاب او الطفل ..
انا عندى أخويا الصغير فى الاجازة بياخد فى مدارس الأحد قبطى هوتعليم جميل فى حاجة وهى انة فى مذكرات للغة جميلة جدا زى الانجلش بس نفسى يتعدل النــــــــظام فى تعليم اللغة القبطية فى مدارس الاحد ....
على فكرة الاقتراح مش غريب ولا حاجة ..
انا عندى حاجة بسيطة انا كنت عاوز أقولها وهى ان انا كنت بحضر قداس فى يوم كلمنى رجل كبير فى السن بيقول لى انا نفسى يكون القداس كلة عربى لان انا مش بعرف قبطى `10` انا قلت لة اللغة القبطية دى أساس لغتنا ... مش اللغة العربية

كلام جميل يا بيشو انا عملت اسم الموضوع كدة علشان اخلى الناس تشوفه :P
و فعلا العربى مش لغتنا ولا هتبقى لغتنا دى يدوبك لغة اتعلمناها
القبطى هى لغتنا الحقيقية و لازم الاجيال الجية لازم تهتم بيه علشان مينقرضش `14`
تخيلى يا انستاسيا انى اول مرة اشوف الموضوع بتاعك ده النهارده

بالنسبة لاقتراحك مع انى ردى متاخر جدا طبعا زى ماحازم كتب انه لما كان فى كندا الكنيسة كانت ابتدت تطبق تعليم القبطى كالغة للاولاد وللكبار يتعلموها بحيث انهم يستعملوهما فى حياتهم العادية

بس كمان انت عارفة طبعا ان فى الولاية اللى احنا عايشين فيها بامريكا الكنيسة القبطية عملت مدرسة رسمية للتعليم العادى معترف بيها من الحكومة ويقوم بالتدريس فيها ابونا الكاهن بنفسه والان انضم له معلم الكنيسة الجديد القادم من مصر وتدرس كالغة للابناء من سن ست سنوات

يعنى انا شايفة ان الكنايس فى المهجر بصراحة مهتمة اكتر من الكنايس فى مصر للاسف وده فعلا حاجة تحزن يارب ينتبهوا ويقوموا بالتدريس الجدى بشكل متسلسل ومستمر
ونعطى شهادات فى نهاية كل كورس ويقوم بتسليمها اما الاسقف او قداسة البابا تشجعيا للدارسين والدارسات

ربنا يرتب ونشوف الكلام ده قريب





يا أخوتى أنتم ناسيين ان مدارس الأحد هى بالفعل مدارس خاصة بالتعليم وببناء الشخصية المسيحية المتكاملة من جميع جوانبها العقلية والروحية والنفسية والجسدية أيضا ، وهى كأى مدرسة تقوم على نظام التلمذة حيث يوجد تلميذ ( مخدوم ) ومعلم ( خادم ) ومنهج يشمل جميع فروع المعرفة الدينية من دراسة كتاب مقدس وعقائد وطقوس والحان وأيضا لغة قبطية ..مدرسة الأحد هى مدرسة بالفعل قائمة داخل الكنيسة ، ولكن يمكن الوصول للهدف الذى نتكلم عنه وهو تعليم اللغة القبطية وذلك عن طريق الأهتمام بمناهجها واعادة وضع منهج متكامل ومتدرج للغة القبطية بداية من مرحلة ملائكة مرورا بمختلف المراحل حتى الخريجين والخريجات ، وأقول منهج متكامل ومستمر لجميع المراحل وليس مجرد تعليم الحروف وبعض الكلمات التى يتلقاها اولادنا فى مرحلة طفولتهم ثم بعد ذلك وفى مراحل حياتهم التالية يعاد تكرار نفس الكلمات ونفس الجمل التى تعلموها فى طفولتهم ، ويجب الا ننسى عامل التشجيع والتحفيز لأولادنا كى يقبلوا على تعلم لغة اجدادنا واباءنا وذلك عن طريق المسابقات والمهرجانات المختلفة التى تقيمها الكنيسة بالاضافة لتقديم هدايا ليس للمتفوقين فقط فى دراسة اللغة القبطية او للفائزين فى المسابقات ، ولكن لكل اولادنا وبناتنا الذين يتعلمون اللغة القبطية مهما كان مستوى استيعابهم ، وذلك تشجيعا لهم على الاستمرار فى تعلم اللغة القبطية ، ويمكن على نفس الصورة الاهتمام ليس باللغة القبطية فقط ولكن ايضا بكل فروع المعرفة الدينية والثقافية التى يتلقاها اولادنا وبناتنا داخل مدارس الأحد .

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010