مذكرات سفروت الشقى والاجازات
==============================
خلاص بقى خلصت امتحانات
وبدأت شهور الراحة والاجازات
اللى الكنيسة فيها بتنظم رحلات
فودتنا مصيف لشط ابو تلات
وزى ما احنا كلنا عارفين
الصيف فصل المقالب والتفانين
ففكرت فى مقلب انما متين
فى البحر اعمل زى الغرقانين
روحت خبطت فى الميه من حواليا
وقلت الحقونى حد يشد ايديا
والكل قام بسرعة يلحقوا سفروت
وانا ضحكت وكنت مبسوط
وفكرت اعمل المقلب من جديد
علشان يقولواعليا واد شديد
قلت اروح ابعد شوية
علشان المقلب يبقى ميه ميه
ومشيت فى الميه لبعيد
وهوب .. اتزحلقت فى مكان غويط
وقعدت اخبط فى الميه زى العبيط
وشربت منها اللى يملى محيط
الكل فكر انه مقلب تانى
وقالوا سيبوه هايطلع بعد ثوانى
وطلعت على الشط بعد عذاب
بعد ماطلعنى خمسة شباب
وحرمت بعدها المقالب والتفانين
اللى كانت هتخللينى من الميتين
سامحونى بقى انا اصلى مخى تخين
ربنا قال اي شركة بين النور والظلمة
الكذب كذب ولو هزار
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.